تخيل العالم بلا حس واحساس
تخيل ان الناس راحو من سنين
بتحس بالضيقه وبالراس وسواس
وبتقول ياويلي وياشيب هالعين
بكتبلك ابياتٍ تساوت باللماس
درسٍ عن ادروس المدارس بدرسين
لو لا المحبه تجمع الناس بالناس
ماشفت بعض الناس للناس وافين
ولو لا الكرم ماشفت للناس مجلاس
حتى ولو شالو على الدين بالدين
صحيح ماكل الخلايق على ساس
ناسٍ على شده وناسٍ على لين
لاكن توقع لاتجي الفاس بالراس
وتقول ابي وحده وتنحاش ثنتين
شفني على همي وانا اقول لا باس
يمكن تزين اليوم ولا بعد حين
خلك وسيع الصدر لاتصير حساس
لايزعلك هرج القفى من خسيسين
دنياك يامحمد مثل وصف هالكاس
يقطع ضماك ولا يصبرك يومين
ولامثل حبرٍ على كل قرطاس
خطرٍ يزول الحبر من دمعة العين
بالعقل والتفكير والعزم والباس
تقدر على خصمك تغير موازين
واخذ الحذر لا تمشي بدرب الانجاس
ناصحك ثم ناصحك عن دربه الشين
موضوع: قصيدة درسٍ عن دروس المدارس بدرسين 
الجمعة سبتمبر 30, 2011 4:01 pm